Syria: imirwano mu mujyi wa Aleppo

Inyeshyamba mu mujyi wa Aleppo Uwufise ububasha kw’isanamu AFP
Image caption Inyeshyamba mu mujyi wa Aleppo

Impirimbanyi ziravuga ko abasirikare ba leta ya Syria babarirwa mu bihumbi bavuye k'umupaka wa Syria na Turkiya aho bari bari baza mu mujyi wa Aleppo guhangana n'inyeshyamba.

Izo nyeshyamba ziravuga ko zagabye ibitero ku mirongo y'abasirikare ba leta bari bavuye mu birindiro byabo mu gace ka Jabal al-Zawiya.

Aleppo ni uwa kabiri mu mijyi ikomeye muri Syria. Hashize icyumweru cyose havugwa imirwano ikarishye ku buryo leta yagombye kwifashisha indege na za kajugujugu z'intambara kugira ngo ihashye inyeshyamba ziyirwanya.

Mu murwa mukuru, Damas, ho muri rusange ingabo za leta zahirukanye inyeshyamba.

Mu minsi ishize, iyo mijyi yombi ntiragwagamo imirwano yagiye iboneka hirya no hino mu gihugu.