Umujura yaciwe akaboko muri Mali

Abarwanyi b'umwe mu mitwe igendera ku matwara akaze ya Islamu Uwufise ububasha kw’isanamu afp
Image caption Abarwanyi b'umwe mu mitwe igendera ku matwara akaze ya Islamu

Abayislamu bagendera ku matwara akaze y'idini ya Islamu mu majyaruguru ya Mali baravuga ko baciye akaboko umugabo kubera gukora icyaha cyo kwiba.

Umutwe ugamije gushyira abantu ku murongo umwe n'umutwe wa Jihad muri Afurika y'uburengerazuba yavuze ko ariyo yakoze icyo gikorwa cyakorewe mu ruhame.

Iyi mitwe iri muri imwe igendera ku matwara akaze y'idini ya Islamu igenzura amajyaruguru y'igihugu cya Mali.

Umuvugizi w'iwo mitwe yombi, Mohamed Ould Abdine, yavuze ko guca akaboko uwo muntu bijyanye n'amategeko y'imana .

Yanaburiye abantu ko ibintu nkibyo bigiye gukorwa mu minsi iri mbere mu mujyi wa Gao aho abantu bigaragambyaga mu mpera z'icyumweru gishize baburijemo igihano nk'icyo.