Ubutegetsi bwa Assad "bugeze aharindimuka"

Ibiherutse kuvugururwa: 14 ukwa munani, 2012 - 13:47 GMT
Riyad Hijab

Riyad Hijab aherutse kwitandukanya na leta yo muri Syria

Riyad Hijab, weguye ku mwanya wa ministri w'intebe wa Syria agahunga igihugu mu cyumweru gishize, aravuga ko ubutegetsi bwa Perezida Assad bugeze aharindimuka.

Ku nshuro ya mbere kuva yahunga, bwana Hijab yavugiye mu murwa mukuru wa Yordaniya, Amman, ko leta ya Syria igenzura igice kitarenze 30% by'ubutaka bw'igihugu.

Yasabye abarwanya ubutegetsi gutahiriza umugozi umwe anasaba ingabo z'igihugu gukorana n'abaturage.

Uyu mugabo kandi yasabye n'abandi bategetsi bakuru muri leta no mu ngabo kwitandukanya n'ubutegetsi bwa Perezida Bashar Al Assad.

Hagati aho, umukuru w'ishami rya ONU rishinzwe gutabara abari mu kaga, Valerie Amos, ari muri Syria aho yajyanywe no kwiga ukuntu inkunga yihutirwa igenewe abavanywe mu byabo n'intambara yakongerwa.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.