Indege y'umukuru w'igisirikare cya Amerika yarashweho

Ibiherutse kuvugururwa: 21 ukwa munani, 2012 - 12:43 GMT
Gen Martin Dempsey

Gen Martin Dempsey

Ibisasu bya roketi byarashwe n'intagondwa z'abayislamu muri Afghanistani byangije indege y'umukuru w'igisirikare cya Amerika, Jenerali Martin Dempsey, wari mu ruzinduko muri Afghanistani.

Abasirikare bo mu muryango wo gutabarana wa OTAN bavuze ko uwo mujenerali yagize amahirwe kubera ko atari hafi y'iyo ndege igihe yaraswagaho.

Umutwe w'abarwanyi b'abayislamu bagendera ku matwara akaze y'idini ya Islamu w'abatalibani wiyemereye ko ariwo warashe ibyo bisasu.

Jenerali Martin Dempsey, yari yageze ku kibuga cy'indege cya gisirikare cya Bagram kugirango aganire ku birebana n'ibikorwa bikomeje kwiyongera bya bamwe mu basirikare ba leta ya Afghanistani barasa kuri bagenzi babo b'abanyamahanga.

Nyuma yavuye muri Afghanistani ari mu yindi ndege.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.