Abu Hamza ashobora koherezwa muri Amerika

Ibiherutse kuvugururwa: 5 ukwa cumi, 2012 - 15:05 GMT
Abu Hamza

Abu Hamza

Urukiko rukuru rwo mu Bwongereza kandi rwategetse ko umuvugabutumwa w'ugendera ku matwara akaze y'idini ya Islamu, Abu Hamza n'abandi bantu bane bashobora kwohererezwa ubucamanza bwo muri Amerika bubashinja ibyaha by'iterabwoba.

Urwo rukiko rwavuze ko abo bagabo batanu bashobora guhita birukanwa nyuma yaho uwunganira Abdu Hamza mu nkiko ananiriwe kumvisha ubucamanza ko kubera impamvu z'uburwayi atagombye kwoherezwa muri Amerika.

Bwana Hamza wavukiye mu gihugu cya Misiri ashakishwa n'ubucamanza bwo muri Leta zunze ubumwe z'amerika kugirango yisobanura ku byaha aregwa birimo kuba yarashizeho ahantu ho gutoreza abakora ibikorwa by'iterabwoba muri leta ya Oregon.

Arashinjwa kandi kuba yari mu mugambi wo gufata abantu ho ingwate mu mwaka 1998; igikorwa cyaguyemo abantu bane.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.