Ibitero i Kismayo muri Somalia

Ibiherutse kuvugururwa: 22 ukwa cumi, 2012 - 14:47 GMT
Umujyi wa Kismayo

Umujyi wa Kismayo

Amakuru aturuka muri Somalia aravuga ko hari ibisasu bibiri bya grenade byaturikiye mu mujyi wa Kisamyo uheruka kwigarurirwa n'ingabo nyafurika ziri kumwe n' ingabo za leta ya Somalia.

Ibyo bitero byari bigambiriye kugabwa ku birindiro by'ingabo za leta ya Somalia.

Umunyamakuru wa BBC uri i Mogadishu ku murwa mukuru wa Somalia avuga ko iki aricyo gitero cya mbere cy'aka kagene kuva aho inyeshyamba za Al Shabaab zitsimburiwe muri uwo mujyi mu ntangiriro z'uku kwezi.

Yavuze ko ibi byaba ari nk'ibimenyetso by'ibigiye gukurikira kuko inyeshyamba za Al Shabab zavuze ko zizagaba ibitero shumu nk'ibi harimo n'iby'abiyahuzi mbere yuko ziva muri uwo mujyi wa Kismayo.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.