Burundi: Urubanza rwa Ruvakuki mu mwiherero

Ibiherutse kuvugururwa: 9 ukwa cumi na rimwe, 2012 - 16:38 GMT
Urubanza rwa Ruvakuki mu mw'iherero

Urubanza rwa Ruvakuki mu mw'iherero

Urukiko rw'ubujurire rw'i Gitega mu Burundi rwashyize mu mwiherero urubanza rw'umunyamakuru Hassan Ruvakuki na bagenzi be 23 baregwa hamwe.

Abo bantu bararegwa kugaba igitero cy'inyeshyamba mu ntara ya Cankuzo mu kwa 11 k'umwaka ushize w'i 2011, igitero bavuga ko cyaje gituruka muri Tanzania kigahitana abantu barenga 20 .

Ubushinjacyaha burabarega iterabwoba no gukwirakwiza amakuru y'icyo gitero k'umwihariko wa Hassan Ruvakuki wakoraga kuri Radio RFI na Bonesha FM, bityo busabira Ruvakuki n'abandi 13 igifungo cya burundi nkuko byari byaremejwe n'urukiko rukuru.

Naho abandi 9 basabirwa gufungwa imyaka 15.

Ruvakuki yemera ko yagiye muri Tanzania ariko agahaka ibyaha by'iterabwoba no kugaba ibitero.

Abacamanza bemeje ko urubanza rujya mu mwiherero, rukazacibwa kw'itariki ya 8 z'ukwa 1 mu mwaka w'i 2013.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.