US: Lance Armstrong yemeye icyaha

Ibiherutse kuvugururwa: 18 ukwa mbere, 2013 - 14:42 GMT
Lance Armstrong

Abakinnyi b'ubu n'abakera bakomeye mu mikino ngororamubiri n'abayobozi mu by'imikino bamaganye umunyamerika wahoze ari uwa mbere mw'isiganwa ry'amagare, Lance Armstrong, nyuma yaho yemereye bwa mbere ko yakoreshe ibinini bitemewe n'amategeko.

Umukinnyi wa mbere mu mukino wa Tennis, Novak Djokovic yavuze ko Armstrong agomba kuryozwa uburiganya bwe.

Naho umwongereza wigeze kuba uwa mbere mw'isiganwa ry'amagare, Nicole Cooke we avuga ko Armstrong atavuze amazina y'abandi babikoranye.

Ikigo gishinzwe isiganwa ry'amagare kw'isi UCI cyavuze ko kuba Armstrong yemeye ibyo yakoze ari intambwe igamije kugarura ikizere mu mukino wo gusiganwa mu magare.

Mu kiganiro yahaye Oprah Winfrey, Lance Armstrong yasabye imbabazi, avuga ko yakoresheje iyo miti mu masiganwa 7 yose yagize mu Bufaransa, ariko avuga ko atabonaga ko ari icyaha ngo kuko abandi bakinnyi bose nabo babikoraga.

Lance Armstrong yaramaze kwamburwa imidari 7 yatsindiye mu Bufaransa n'umudari wa bronze yatsindiye mu mikino Olympic.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.