RDC: intambara hagati ya M23 n'ingabo za leta

Ibiherutse kuvugururwa: 20 ukwa gatanu, 2013 - 13:23 GMT
Inyeshyamba zo mu mutwe wa M23

Inyeshyamba zo mu mutwe wa M23

Mu burasirazuba bwa Repubulika iharanira demokarasi ya Congo haravugwa imirwano hagati y'ingabo za leta n'inyeshyamba zo mu mutwe wa M23.

Biravugwa ko umutwe wa M23 wagabye igitero ku birindiro by'ingabo za leta biri mu majyaruguru y'umujyi wa Goma.

Umuvugizi w'igisirikare cya Congo, Olivier Hamuli, yatangaje ko umutwe wa M23 wagabye igitero ku ngabo za leta ku birometero 12 mu majyaruguru ya Goma.

Yongeyeho ko ingabo za leta zasubije inyuma abarwanyi bo mu mutwe wa M23 nyuma y'amasaha abiri y'imirwano ikaze.

Ariko umutwe wa M23 urashinja ingabo za leta kuba arizo zabanje kuwugabaho igitero.

Nibwo bwa mbere haba imirwano hagati y'impande zombi kuva aho izo nyeshyamba ziviriye mu mujyi wa Goma mu kwezi kwa 12 k'umwaka ushize.

Ni nabwo bwa mbere kandi impande zombi zirwana mu gihe i Goma harimo kugera abasirikare ba ONU bagize umutwe udasanzwe ufite inshingano zo kurwanya imitwe yitwaje ibirwanisho harimo n'umutwe wa M23.

Hagati aho Perezida w'Urwanda, Paul Kagame, mu kiganiro yagiranye na BBC, yanenze ingabo za ONU zibungabunga umutekano muri Congo avuga ko ntacyo zakoze mu kubonera umuti imizi y'ibibazo bitera umutekano muke muri Congo ndetse ko unarebye ngo hari aho izo ngabo zatumye ibintu birushaho kumera nabi.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.