Brazil: Miliyoni imwe mu myigaragambyo

Abantu bagera kuri miliyoni 1 bitabiriye imyigaragambyo yabereye mu mijyi igera ku 100 mu gihugu cya Brazil.

Imyigaragambyo iramagana imikorere mibi mu butegetsi, ruswa n'imyitegero ihenda y'irushanwa ry'isi ry'umupira w'amaguru.

Ahantu henshi iyo myigaragambyo yaranzwe n'imvururu, polisi yakoresheje imyuka iryana mu maso n'amasasu ya kawucu batatanya abigaragambya.

Mu murwa mukuru, Brasilia, abigaragambya bateye inteko nshinga mategeko na ministeri y'ububanyi n'amahanga.

Perezida Dilma Rousseff yahamagaje inama idasanzwe yo kwiga ikibazo cy'uwo mutekano muke.