DRCongo: Imirwano hagati ya leta na M23

Abarwanyi ba M23
Image caption Abarwanyi ba M23

Leta ya Repubulika Iharanira Demokarasi ya Congo iravuga ko ingabo zayo zishe inyeshyamba zo mu mutwe wa M23 zigera kw'i 120 mu mirwano yabaye mu mpera z'iki cyumweru.

Ariko umuvugizi wa M23 bwana Amani Kabasha we ntiyashoboye kwemeza uwo mubare, gusa avuga ko ingabo za leta arizo zatangiye iyo mirwano.

Bwana Amani kandi avuga ko umutwe wabo ushaka guharanira amahoro.

Abatuye mu nkengero z'umujyi wa Goma, babonye ingabo za leta zigana ku dusozi twari dusanzwe tugenzurwa n'inyeshyamba zo mu mutwe wa M23.