UK: Kate, William n'umwana bavuye mu bitaro

  • 23 Ukw’indwi 2013
Kate, William n'umwana

Igikomangoma William n'umugore we Kate, bamaze gusohoka mu kanya mu bitaro St Mary bya hano i Londres, bari kumwe n'umwana w'umuhungu wavutse ejo.

Babwiye abanyamakuru ko banezerewe.

Basuwe na se wa Willam, igikomangoma Charles hamwe n'ababyeyi ba Kate, Michael na Carole Middleton.

Ibiro by'umwamikazi byavuze ko yavutse kuwa mbere saa kumi n'iminota makumyabiri n'ine y'igicamunsi.

Uyu mwana ngo yavukanye ibiro birenzeho gato bitatu n'igice.

Azaba uwa gatatu ku rutonde rw'abateganijwe kuzaba abami b'u Bwongereza.

Uyu mwana azitwa igikomangoma cy'i Cambridge, akazanayobora ibihugu 15 byo mu muryango w'ibihugu byakolonijwe n'ubwongereza Commonwealth.

Umwamikazi w'Ubwongereza Elizabeth II n'umugabo we banejejwe n'iyo nkuru.

Abantu benshi biriwe hanze y'ibitaro bya St Mary biri i Londres aho uwo mwana yavukiye.