Syria: Abaperereza ba UN i Damasiko

Abapererezi ba ONU

Abapererezi ba ONU bageze i Damasiko ku murwa mukuru wa Syria, gukora amaperereza kw'ikoreshwa ry'ibirwanisho by'uburozi mu ntambara yo muri Syria.

Leta ya Syria yemereye abo bapererezi kujya i Khan al-Assal mu ntara ya Aleppo, ahavugwa ko inyeshyamba zakoresheje ibyo birwanisho mu kwezi kwa 3.

Ariko umuryango w'abibumbye uravuga ko ayo maperereza agomba no gukorwa mu duce twa Homs na Damasiko.

Umuryango utabara imbabare Croix Rouge uravuga ko leta ya Syria ishyiraho imbogamizi kugirango abantu batagera muri Homs aho abaturage bakeneye imfashanyo y'ibiribwa n'imiti.