Mafia: abarenga 100 bafashwe mu Butaliyani

Abantu barenga 100 bakekwaho kuba muri Mafia bafashwe
Image caption Abantu barenga 100 bakekwaho kuba muri Mafia bafashwe

Igipolisi cyo mu Butaliyani kiravuga ko abantu barenze 100 batawe muri yombi mu gikorwa gikomeye cyo kurwanya umutwe w'abagizi ba nabi wa Mafia.

Mu mujyi wa Rome no mu nkengero zawo, igipolisi kiravuga ko cyahatereye muri yombi abantu bagera kuri 50 bakekwaho kugenzura ibikorwa byo gucuruza ibiyobyabwenge.

Abantu babiri bakomeye bo mu miryango ibiri ikomeye ishinjwa gukorana n'abagizi ba nabi biravugwa ko bari mu bantu batawe muri yombi.

Ngo bubaye ubwa mbere igipolisi cyo mu Butaliyani gihagaritse abantu bangana gutyo bakekwaho kuba mu mutwe w'abagizi ba nabi wa Mafia.

I Calabria, mu majyepfo y'igihugu, igipolisi cyibasiye umutwe w'abagizi ba nabi ukomeye cyane wa Ndrangheta gihagarika abantu bagera kuri 60.