Misiri: Amahanga yamaganye ubwicanyi

  • 27 Ukw’indwi 2013
Imyigaragambyo mu Misiri

Ubwongereza bwamaganye ikoreshwa ry'ingufu ryatumye abantu bapfa mu Misiri.

Umushikiranganji w'ububanyi n'amahanga w'Ubwongereza, William Hague, yasabye abategetsi ba Misiri guhagarika ubwo bwicanyi no gukoresha imiriro. Yavuze ko ababikoze bagomba kubihinirwa kandi imyigaragambyo y'amahoro ikemererwa.

Ushinzwe imibano n'amahanga mu muryango w'ubumwe bw'uburayi, Catherine Ashton yavuze ko ababajwe cyane n'ubwicanyi bwabaye nijoro mu Misiri.

Yasabye ko bubahiriza amahame yo gukora imyigaragambyo mu mahoro.

Ishyaka rya Muslim Brotherhood ry'uwahoze ayobora Misiri, Mohammed Morsi, ryavuze ko abantu baguye mu mvururu zaraye zibaye hafi y'umusigiti w'i Raba Al Adawiya mu murwa mukuru wa Cairo barenga kw'i 120.

Iryo shyaka rirarega igisirikare gukora ubwo bwicanyi. Abaganga baravuga ko abo bavura babasangana amasasu mu mutwe cyangwa mu gituza.

Ubushikiranganji bw'ubutegetsi bw'igihugu bwa Misiri ariko bwavuze ko ibyo byatewe n'uko igisirikare cyari kigabweho igitero maze kirivuna.