Amahanga ntiyabashije kumvikanisha abanyamisiri

Abashyigiye Mohammed Morsi barasaba ko asubizwa ku butegetsi
Image caption Abashyigikiye Mohammed Morsi barasaba ko asubizwa ku butegetsi

Ibiro by'umukuru w'igihugu mu Misiri biravugwa ko amahanga atabashije kubonera umuti ikibazo cya politiki kivuga muri icyo gihugu.

Itangazo ibyo biro byashyize ahagarara riravuga ko byatewe n'ishyaka rya Muslim Brotherhood n'ibindi bintu biriturutseho byabaye.

Mu minsi ishize, intumwa za Leta zunze ubumwe z'Amerika, umuryango w'ubumwe bw'uburayi n'ibihugu by'abarabu zagiranye ibiganiro n'abategetsi ba Misiri muri gahunda yo kugerageza gushaka ukuntu ukutumvikana hagati y'abo bategesi n'ishyaka rya Muslim Brotherhood kwabonerwa umuti.

Abayoboke b'iri shyaka bashaka ko Mohammed Morsi wavanywe ku butegetsi n'igisirikare mu kwezi gushize yasubizwa ku butegetsi.