Misiri:Gahunda zo gutatanya abigaragambya.

Imyigaragambyo i Kayiro
Image caption Imyigaragambyo i Kayiro

Umutegetsi wo hejuru mu rwego rwo hejuru rw'umutekano mu Misiri, yabwiye BBC ko ubutegetsi bw'icyo gihugu bwasubitse gahunda zo gutatanya imirwi 2 mu mujyi wa Kayiro y'abashyigikiye Perezida Mohamed Morsi wakuwe k'ubutegetsi.

Yavuze ko ubutegetsi bwumvaga ko abantu bazahagarika imyigaragambyo yabo bakora bicaye kubera amabwiriza ya leta, ahubwo imibare yabo yakomeje kwiyongera.

Minisitiri w'ububanyi n'amahanga Nabil Fahmy, yari yavuze ko iyo myigaragambyo igomba kurangira vuba cyane.

Yari yavuze ko niba ibiganiro bitagize icyo bigeraho, ibikorwa bizakurikira byo gutatanya abari muri iyo myigaragambyo bizaba byubahirije amategeko.

Hagati aho, ubucamanza bwatangaje ko bwongereye iminsi 15 yo gufunga k'uwahoze ari umukuru w'igihugu.