Hosni Mubarak yarekuwe

  • 22 Ukw’umunani 2013
Hosni Mubarak yari amaze imyaka irenga ibiri afunze
Hosni Mubarak yari amaze imyaka irenga ibiri afunze

Hosni Mubarak - wahoze ari umukuru w'igihugu cya Misiri - yarekuwe nyuma y'imyaka irenga ibiri afunze; agomba ariko gukomeza gufungishwa ijisho.

Kajugujugu yavanye Hosni Mubarak mu mazu ya gereza iri i Cairo aho yari afungiye imujyana ku bitaro bya gisirikare biri hafi yayo.

Bwana Mubarak agomba ariko kongera kwisobanura mu rubanza rugomba gusubirwamo ku byaha aregwea by'ubufatanyacyaha mu iyicwa ry'abantu bari mu myigaragambyo yamuvanye ku butegetsi hashize imyaka ibiri.

Abategetsi ba gisirikare mu Misiri bategetse ko akomeza gufungishwa ijisho nyuma yaho urukiko rugetegekeye ko arekurwa kuko yari yujuje igihe ntarengwa umuntu agomba gufungwa mbere yuko urubanza rutangira.