CAR: Imirwano yahitanye abagera kuri 60

Imirwano muri CAR

Abantu bagera kuri 60 bamaze kugwa mu mirwano imaze iminsi 2 ibera muri Republique Centre Africaine.

Ingabo zishyigikiye uwahoze ayobora icyo gihugu, Francois Bozize zarwanaga n'ingabo za leta iriho ubu.

Iki gihugu cyagiye mu ntambara kuva aho inyeshyamba zihurikiye mw'ihuriro rya Seleka zateye zigahirika ubutegetsi bwa Prezida Bozize mu kwezi kwa 3 gushize.

Umunyamakuru wa BBC uri i Bangui ku murwa mukuru w'icyo gihugu yavuze ko abashyigikiye Bozize bafashe umujyi wa Bouca uri mu birometero 300 uvuye mu murwa mukuru wa Bangui.