Syria: Inyeshyamba zahagaritse imirwano

inyeshyamba zo muri Syria

Umutwe witwa Islamic State uba muri Iraq no muri Syria, ukorana n'umutwe w' al-Qaeda, wafashe umujyi wa Azaz kuwa gatatu nyuma y'imirwano bagiranye n'umutwe witwa Free Syrian Army ushyigikiwe n'ibihugu by'iburayi n' Amerika.

Umunyamakuru wa BBC uri mu karere hafi y'umupaka wa Turukiya avuga ko iyo mitwe yombi yemeye guhana imfungwa no gusubiza imitungo.

Iyo mitwe yanemeye gukurikiza ibyemezo byafashwe n'urukiko rwa sharia rukorera muri uwo mujyi.

Umunyamakuru wacu avuga ko bitaramenyekana neza niba ihagarika ry'iy'imirwano rizagira ingaruka hagati y'iy'imitwe iri ahandi mu gihugu.