US: Prezida Obama yahagaritse ingendo muri Aziya

Barack Obama

Ibiro by'umukuru w'Amerika, byavuze ko Prezida Barack Obama yahagaritse ingendo yari kugirira muri Malaysia na Philippine mu cyumweru gitaha kubera ikibazo cy'ingengo y'imari kiri muri leta y'Amerika.

Umuvugizi w'ibiro by'umukuru w'igihugu yavuze ko Prezida Obama ari no kwiga niba azakomeza urugendo yari kugirira no muri Indonesia na Brunei.

Iki kibazo cy'ingengo y'imari kibaye bwa mbere mu myaka 17 ishize, cyatewe n'uko inteko zombi (nshinga mateka na kenguza mateka) zitashoboye kumvikana ku ngengo y'imari nshya.

Abakozi ibihumbi bahise boherezwa iwabo kuko ibigo bimwe bya leta byahise bifungwa.