Gambia yavuye muri Commonwealth

Perezida Yaya Jammeh wa Gambia
Image caption Perezida Yaya Jammeh wa Gambia

Leta ya Gambia yatangaje ko ivuye mu muryango wa Commonwealth winganjemo ibihugu byahoze bikolonijwe n'Ubwongereza.

Gambia yinjiye muri uyu muryango muri 1965.

Itangazo ryanyuze kuri televiziyo y'igihugu rivuga ko Gambia itazashobora na rimwe kuba mu muryango ukomeza ubukoloni kandi bwararangiye.

Nta yindi mpamvu yatanzwe isobanura icyatumye Gambia iva muri uwo muryango.

Abanyamakuru baravuga ko mu ntangiriro z'uyu mwaka igihugu cya Zambia cyatunzwe agatoki mu cyegereranyo cyo mu Bwongereza gisohoka buri mwaka ku burenganzira bw'ikiremwa muntu na demokarasi.

Icyo cyegeranyo cyavugaga ko leta ya Gambia hari abantu ifunga mu buryo butubahirije amategeko, igafunga ibinyamakuru n'amaradio kandi ngo hakaba hari n'ivangura rikorerwa ba nyamuke.

Igihugu cyaherukaga kuva muri Commonwealth ni Zimbabwe yavuyemo mu mwaka wa 2003.