CAR: Abantu ibihumbi bakuwe mu byabo

  • 16 Ukw’icumi 2013
Abantu benshi bahunze imirwano muri CAR
Benshi bahunze imirwano muri CAR

Ishyirahamwe ry'abagiraneza, Médecins Sans Frontières, ryavuze ko abantu barenze ibihumbi n'ibihumbi bakuwe mu byabo muri République Centre Africaine kubera imirwano iherutse kuberayo.

Abakozi biryo shyirahamwe bavuze ko muri cyo gihugu hari kubera ubwicanyi bukomeye. Abagore n'abana bari mu bavurwa ibisebe by'amasasu n'imihoro mu majyaruguru y'uburengerazuba bw'igihugu.

Haranavugwa ko n'abatabara abasinzikaye nabo batewe. Médecins Sans Frontières yavuze ko imirenge myinshi yatwitswe ku buryo ntagisigaye. Iryo shyirahamwe rivuga ko ryumvise ko ibitero byinshi byatewe n'amacakubiri aturuka ku madini.

Iki gihugu gikize ku mabuye y'agaciro cyagiye mu ntambara kuva aho inyeshyamba zakuyeho ubutegetsi bw'uwahoze ayobora icyo gihugu François Bozizé, mu kwezi kwa gatatu.

Ubufaransa bwavuze ko bushobora kohereza izindi ngabo kujya gufasha mu kurangiza iyo mirwano.