Kenya: Video yerekana abasirikare basahura

Westgate mall
Image caption Iduka rya Westgate

Amafoto mashya ya Video yasohotse yerekana abasirikare bo muri Kenya basahura iduka muri Westgate, igihe iyo nzu y'ubucuruzi yarimo igabwaho igitero cy'iterabwoba.

Iyo video yasohowe n'abanyamakuru bo muri cyo gihugu, yerekana abasirikare basohoka mu iduka rya Nakumatt bafite amashashi yera.

Ahandi abasirikare bitwaje imbunda bagaragara bafata udufuka twera bari ahantu hacyekwa ko hari iduka rya telefone njyendanwa.

Ayo mafoto yarakaje abanyakenya benshi cyane.

Mu kiganiro cyahawe abanyamakuru kuwa gatatu igisirikare cya Kenya cyavuze ko kizakurikirana ibi birego by'isahurwa.

Abantu byibura 67 baguye mu gitero cy'iterabwoba cyagabwe n'umutwe w'inyeshyamba wa al-Shabaab ku nzu y'ubucuruzi ya Westgate i Nairobi mu kwezi gushize.