Ubudage bwasabye Amerika ibisobanuro

Umukuru wa leta y'Ubudage, Angela Merkel kuri telefoni
Image caption Umukuru wa leta y'Ubudage, Angela Merkel kuri telefoni

Leta y'Ubudage yahamagaje uhagarariye Amerika muri icyo gihugu kugirango ayihe ibisobanuro ku makuru avuga ko telefoni y'umukuru wa leta y'Ubudage - Angela Merkel - yumvirijwe n'inzego z'ubutasi z'Amerika.

Angela Merkel yasabye ibisobanuro birambuye kuri ayo makuru.

Yanabiganiriyeho na Perezida Barack Obama wa Leta zunze ubumwe z'Amerika ku wa gatatu.

Ibiro bya perezida w'Amerika byatangaje ko Perezida Obama yabwiye Angela Merkel ko Amerika itumviriza telefoni ye kandi ko itazigera inabikora.

Ariko ntibyumvikanye neza niba mu gihe cyashize telefoni ye itarigeze yumvirizwa.

Ku wa mbere wa kino cyumweru, Ubufaransa bwahamagaje uhagarariye Amerika muri icyo gihugu kugira ngo atange ibisobanuro ku makuru yasohotse mu kinyamakuru Le Monde avuga ko inzego z'Ubutasi z'Amerika zafashe ibiganiro kuri telefoni bibarirwa muri za miliyoni mu gihugu cy'Ubufaransa.

Bukeye bwaho, Le Monde cyasohoye indi nyandiko ivuga ko abanyamerika bananetse abahagarariye Ubufaransa i Washington no muri ONU.

.