Umutegetsi muri Brotherhood yafashwe

Essam el-Arian
Image caption Essam el-Arian yafashwe

Abategetsi muri Misiri bafashe Essam el-Arian, icyegera cy'umukuru w'ishyaka rikurikiza amatwara ya ki Islamu, Muslim Brotherhood.

Bwana el-Arian yari mu bantu bamwe bazwi cyane bo muri iryo shyaka.

Hamwe n'uwahoze ari perezida wa Misiri, Mohammed Morsi, bwana el-Arian azitabira urukiko kuwa mbere hamwe n'abandi bategetsi bo muri iryo shyaka.

Abo bantu bashinjwa kuba barashishikarije ubwicanyi bwahitanye abantu icumi, bigaragambyaga mu kwezi kwa cumi na rimwe k'umwaka ushize.

Leta ya Misiri yaciye Muslim Brotherhood, kandi hashize n'igihe iyo leta ifata abayoboke biryo shyaka kuva aho bwana Morsi avaniwe ku butegetsi mu kwezi kwa karindwi.

Abantu bagera ku 2000, benshi muri bo bari mu butegetsi bukuru, barafunzwe.