Abagabo bane bararegwa ku gitero cya Westgate

  • 4 Ukw’icumi na rimwe 2013
Westgate
Inzu y'ubucuruzi ya Westgate i Nairobi

Uy'umunsi urukiko rw'i Nairobi rwareze abantu bane kubirebana n'igitero cyagabwe ku nzu y'ubucuruzi ya Westgate mu kwezi kwa cyenda.

Abanyamahanga bane, Mohammed Ahmed Abdi, Liban Abdullah, Adan Ibrahim na Hussein Hassan baranaregwa no kuba bari bari muri Kenya k'uburyo butemewe n'amategeko.

Ariko igipolisi cyo muri Kenya nticyavuze ubwenegihugu bwabo bantu.

Abo bagabo barahakana ibyo byaha baregwa.

Urukiko rwategetse ko abo bagabo bakomeza gufungirwa mu biro by'igipolisi mu gihe andi maperereza akomeje.

Umutwe w'inyeshyamba wa al-Shabab wavuze ko ari wo wagabye icyo gitero cyahitanye byibura abantu 67.