M23 ihagaritse imirwano

M23
Image caption Inyeshyamba zo mu mutwe wa M23

Inyeshyamba zo mu mutwe wa M23 muri Repubulika Iharanira Demokarasi ya Congo, zamenyesheje ko zirangije imirwano nyuma yuko ingabo z'igihugu, zifashijwe n'ingabo za ONU, zirukanye izo nyeshyamba mu gace kazo kanyuma.

Mu nyandiko yasohowe uyu munsi, M23 yavuze ko irashyira intwaro hasi, ahumbwo ikitabira intego zayo zishingiye kuri politike.

Kare umuvugizi wa leta, Lambert Mende, yabwiye BBC ko inyeshyamba zanyuma zitanze izindi zikaba zaragiye muri Uganda cyangwa mu Rwanda.

Kuwa mbere abakuru b'ibihugu muri Afrika bahuriye Pretoria muri Afrika yepfo aho basabye M23 gushyira intwaro hasi kugirango imishyikirano y'amahoro ibashe kugerwaho.

Uburasirazuba bwa Congo bumaze hafi imyaka 20 mu ntambara.