Abahanga bavuze ko Arafat yarozwe

Yasser Arafat
Image caption Uwahoze ari umukuru w'abanyapalestina, Yasser Arafat

Abahanga mu Busuwisi bavuze ko nyuma yogusuzuma umurambo wa Yasser Arafat, wahoze ari umukuru w'abanyapalestina, basanze yarafite uburozi bwa polonium mu mubiri.

Mu nyandiko yasohowe ku mbuga y'ibitangazamakuru Al Jazeera na The Guardian, abo bahanga bavuze ko amagufa ya bwana Arafat yerekanye ko yari afite polonium byibura igeze ku nshuro ya 18 gusumbya urugero rusanzwe.

Umugore wa bwana Arafat, Suha, yavuze ko ibisubizo by'ibi bizami bihamya ko yishwe.

Hashize imyaka 9 bwana Arafat yitabye imana, nyuma y'indwara itarasobanuwe neza yafashe igihe gito.

Umwaka ushize bataburuye umubiri wa bwana Arafat nyuma yuko havugwa ga ko yaba yara rozwe.

Israheli yahakanye kuba hari uruhare yagize mu rupfu rwa bwana Arafat.

Abo bahanga ntibigeze bavuga ku kibazo cy'uwaba yarishe bwana Arafat cyangwa se uko yishwe.