Gutora umunyafurika witwaye neza mu mupira w'amaguru

Pierre-Emerick Aubameyang, Jonathan Pitroipa, John Mikel Obi, Victor Moses, Yaya Toure
Image caption Pierre-Emerick Aubameyang, Jonathan Pitroipa, John Mikel Obi, Victor Moses, Yaya Toure

Irushanwa rya BBC ryo gutora umukinnyi wa mbere w'umupira w'amaguru muri Afrika muri uyu mwaka wa 2013 ryatangiye

Batanu barushanwa n'aba:

John Mikel Obi

Image caption John Mikel Obi

Mu myaka irindwi John Mikel Obi amaze muri Chelsea, amaze gukina imikino 187, yatwaye ibikombe byinshi birimo igikombe cy'Ubwongereza (Premier League), igikombe cy'Uburayi (Champions League) n'ibikombe bine by'ishyirahamwe ry'umupira w'amaguru mu Bwongereza (FA).

Yashoboraga kuba yarabaye umukinnyi w'ikipe ya Manchester United, nyuma yaho iyo kipe ikinira ku kibuga cya Old Trafford yari izi ko yaguze uwo mukinnyi wari ufite imyaka 18 wakiniraga ikipe yo muri Norvege yitwa Lyn Oslo.

Ariko nyuma y'akajagari n'urusaku, Chelsea yabashije kugura uwo mwana mu kwezi kwa gatandatu muri 2006.

Kuva icyo gihe, Mikel yakomeje kwigaragaza, akinira Chelsea, n'ikipe ya Nigeria, aho yakiniye igihugu inshuro 51, akanafasha igihugu cye gutsindira igikombe cy'Afrika mu ntangiriro y'uyu mwaka.

Nubwo Mikel ari umukinnyi wo hagati ukomeye, byamufashe umukino we wa 185 mu kwezi kwa cyenda kw'uyu mwaka mbere yuko atsinda igitego cyambere muri Premier League aho Chelsea yatsinze ikipe ya Fulham 2-0.

Mikel ashobora kuba yarakinnye umukino we mwiza kuruta iyindi aho yafashaga ikipe ye ya Chelsea gutsinda Bayern Munich muri Champions League, bagatwara igikombe cy'irushanwa.

Umwaka ushize Chelsea yatangaje ko Mikel azakomeza gukinira iyo kipe byibura kugeza muri 2017.

Jonathan Pitroipa

Image caption Jonathan Pitroipa

Mw’irushanwa ry’Afrika, aho Burkina Faso yari hamwe n’ibihugu bikomeye nka Zambia na Nigeria, ntawashoboraga gutekereza ko Jonathan Pitroipa yashyirwa ku rutonde rw’abaharanira iri shema ry BBC

Iyi kipe yatsinze Zambia, abatsindiye igikombe umwaka ushize, banarangiza aribo ba mbere mw’itsinda ryabo, mbere ya Nigeria.

Nubwo mu mukino wa nyuma, Nigeria yatsinze Burkina Faso, ni Pitroipa wegukanye ishema ry’umukinnyi mw’irushanwa ryose.

Pitroipa yateye ibitego bibiri muri bine Burkina Faso yatsinze Ethiopia 4-0.

Nibwo bwari ubwambere Burkina Faso itsinda muri ryo rushanwa kuva muri 1998.

Nyuma y’igihano cy’ikarita itukura yahawe mu mukino na Ghana, Pitroipa yemerewe gukina mu mukino wa nyuma, nubwo ntacyo byamariye Burkina Faso, yatsinzwe 1-0.

Pitroipa yarangije umwaka 2012-2013 n’ibitego 7, ikipe ye ya Rennes ku mwanya wa 13.

Victor Moses

Image caption Victor Moses

Nubwo akiri muto, ku myaka 22, Victor Moses amaze gukinira amakipe 4. Ubu akinira muri Liverpool, nyuma yuko Chelsea yamutije iyo kipe. Ibi rero bishobora gutuma Moses avamo umukinnyi ukomeye cyangwa se ntabashe kugera kure.

Uyu mukinnyi wa Nigeria afite ingufu n’ubushobozi bwo kwiruka cyane, no gutsinda ibitego. Victor yerekanye ko afite ubushobozi bwo gukina mu bice bitandukanye mu kibuga cy’umupira.

Hagati ya 2007 na 2010, niho Moses yatangiye gukinira mu kigero gikuru akinira ikipe ya Crystal Palace.

Chelsea yaguze uyu mukinnyi amapound miliyoni 9 umwaka ushize, ariko uyu mukinnyi w’imbere yatsinze igitego kimwe gusa mu mikino 23.

Bityo rero Jose Mourinho warugarutse kongera gutoza Chelsea, ntiyarakimukeneye.

Uyu mwaka Liverpool yatiye Moses, aho bisa naho byamuguye neza. Agitangira gukinira Liverpool, Moses yatsinze igitego cye cyambere igihe iyo kipe yakinaga na Swansea. Amaze gukina imikino 6.

Yari mu bakinnyi bafashije Nigeria gutwara igikombe cy’irushanwa ry’Afrika uyu mwaka.

Yaya Toure

Image caption Yaya Toure

Umukinnyi uvugwa na benshi ko ari mu bakinnyi bakomeye bo mu gihe cye, Yaya Touré arahambaye. Ni umukinnyi benshi baha icyubahiro mu kibuga.

Kuva yatangira gukinira Manchester City mu 2010, Yaya Touré hamwe niyo kipe batsindiye igikombe cy'Ubwongereza ( Premier League) - igikombe cy'iryo rushanwa hari hashize imyaka 44 badatsinda, igikombe cy'ishyirahamwe ry'umupira w'amaguru mu Bwongereza (FA) na Community Shield.

Touré amaze gukinira Manchester City imikino 109, aho yatsinze ibitego 23. Akomeje kandi no kubarwa mu bakinnyi bakomeye b'iyo kipe.

Touré yaje muri City aturutse mu ikipe ya Barcelona, aho mu myaka 3 yatsindiye ibikombe byinshi, birimo ibikombe bibiri by'irushanwa muri Espagne, igikombe kimwe cya Champions League, UEFA Super Cup na FIFA Club World Cup.

Hari rero n'igikombe cy'irushanwa mu Bugereki yatsinze hamwe n'ikipe ya Olympiakos, n'ishema ry'igikombe yatsinze na ikipe ya ASEC Mimosas mu gihugu cye cy'amavuko, Cote d'Ivoire.

Ariko ku ntego mpuzamahanga Touré, hamwe na Cote d'Ivoire bananiwe gutsindira igikombe benshi bavugaga ko bazeye- igikombe cy'Afrika, batsinzwe na Zambia umwaka ushize. Ibi rero bikaba byaratangaje benshi.

Touré ufite imyaka 30, aracyakomeje gukina neza. Amaze gutsindira City ibitego 7 uyu mwaka.

Touré yegukanye umuhigo wa CAF w'umukinnyi wa Afrika kabiri. Ni nawe mukinnyi w'umuny'Afurika wenyine uri guhigana n'abandi bakinnyi ku rutonde rwa FIFA uyu mwaka.

Pierre-Emerick Aubameyang

Image caption Pierre-Emerick Aubameyang

Pierre-Emerick Aubameyang yatangiye gukinira ikipe ya Saint Etienne mu 2011 nyuma yo gukinira AC Milan mu rwego rw’abana.

Mu kwezi kwa karindwi yatangiye gukinira ikipe ya Borussia Dortmund, asimbura Mario Gotze nyuma yuko uwo mukinnyi yimukiraga muri Bayern Munich.

Mbere yo kwimukira m’Ubudage, Aubameyang yatsinze igihembo cye cya mbere nyuma yuko Saint Etienne itwara igikombe cy’irushanwa ry’Ubufaransa mu 2013.

Nubwo nta gitego yateye muru wo mukino wa nyuma, Aubameyang yatsinze ibitego 19, arushijwe gusa n’umukinnyi wa PSG, Zlatan Ibrahmovic.

Ibi byatumye Dortmund igura Aubameyang, umuhungu w’umukinnyi uzwi wo muri Gabon, Pierre, miliyoni 11 z’amafaranga yi Burayi y’amaEuro.

Dortmund yarase igikombe cya Champions League, aho batsindwaga na Bayern Munich, ariko mu mukino w’igikombe cy’Ubudage bita SuperCup, Dortmund yatsinze iyo kipe 4-2, yegukana icyo gikombe.

Kuva yatangira muri Dortmund, Aubameyang akomeje gutsinda ibitego byinshi.

Ariko uyu mwaka nti wabereye Aubameyang mwiza ku rubuga mpuzamahanga.

Ariko bisa nibiriguhinduka.

Mu kwezi kwa gatandatu yateye penaliti eshatu mu mikino yo guhatanira umwanya wo kujya mu mikino ya nyuma y'igikombe cy’isi, nubwo intsinzi zaho ntacyo zabashije gufasha Gabon, ikazaba itazajya muri Brazil umwaka utaha.

Gutora

Ushaka kumenya byinshi kw'irushanwa hamwe no gutora, kanda hano