DRC: Urubanza rw'abasirikare 39 i Goma

Abasirikare ba Congo

Urubanza rw'abasirikare 39 b'abanyacongo baregwa gufata abagore ku ngufu, rwatangiye uyu munsi i Goma mu burasirazuba bwa Repubulika Iharanira Demokarasi ya Congo.

Abagenzuzi ba ONU baravuga ko abagore barenze gato 100 n'abakobwa barenga 30 aribo bafashwe ku ngufu n'ingabo za leta mu kwezi kwa 11 k'umwaka ushize.

Umunyamakuru wa BBC uri i Goma aravuga ko uru rubanza rubaye kubera igitutu cy'amahanga cyari kimaze amezi.

Igisirikare cya Congo cyahagaritse by'agateganyo abasirikare 23 ariko nta numwe wigeze agezwa imbere y'ubucamanza kugeza igihe ONU yagabishije ko igiye guhagarika inkunga yatangaga ku bigo bya gisirikare bikekwaho ubwo bugizi bwa nabi.