Ibihano kuri Irani bishobora guhagarikwa

Image caption Uruganda rwa iraniyumu muri Irani

Ministiri w'ububanyi n'amahanga wo mu Bufaransa, Laurent Fabius, yavuze ko nko mu kwezi gutaha umuryango w'ubumwe bw'ibihugu by'uburayi ushobora kuba wavanye bimwe mu bihano ku gihugu cya Irani kubera ibyemezo leta ya Teheran yafashe byo kugabanya ibikorwa by'umugambi wabo wa iraniyumu.

Mugenzi we wo muri Irani, Mohammad Javad Zarif, yavuze ko igihugu cye kizakora iyo bwabaga kugirango amasezerano ya nucleaire yabereye i Geneve ashyirwe mu byemezo bizaramba.

Nubwo icyi cyemezo cyakiriwe neza na benshi, Israeli na Arabie Saudite ntibagishimye.

Umujyanama mu biro bihagarariye Arabie Saudite yabwiye BBC ko batashimye uburyo iyo ngingo yagezwe ho, yongera ho ko babeshywe.

Naho ministiri w'intebe wa Israeli, Benjamin Netanyahu, we yavuze ko iki cyemezo ari ikosa rikomeye mu mateka.