Imyigaragambyo irakomeje muri Thailande

Image caption Abigaragambya muri Thailande bamagana ubutegetsi

Mu murwa mukuru wa Thaïlande i Bangkok abari mu myigaragambyo bakomeje kwibasira ministeri nyinshi, zimwe bakazinjiramo izindi bakazigota bamagana ubutegetsi bwa ministiri w'intebe, Yingluck Shinawatra.

Umwe mubayoboye abari muri yo myigaragambyo yasohorewe impapuro zisaba ko atabwa muri yombi kubera iryo basirwa.

Hagati aho inteko nshingamategeko yo muri Thaïlande iri kwiga icyemezo cy'abadepite bashaka kuvana ikizere kuri ministiri w'intebe.

Abigaragambya baravuga ko bashaka guhagarika ibikorwa bya leta kugirango ministiri w'intebe ave ku butegetsi.

Bongera ho ko akoreshwa na musaza we, uwahoze ari ministiri w'intebe muri cyo gihugu, Thaksin Shinawatra.