Abantu batawe muri yombi muri Misiri

Image caption Imyigaragambyo muri Misiri yamagana itegeko rishya

Ubutegetsi muri Misiri bwasohoye impapuro zisaba ko impirimbanyi ebyiri zikomeye, Alaa Abdel-Fatah na Ahmed Maher, zitabwa muri yombi.

Abo bagabo bararegwa kwigarambya bamaganaga itegeko rishya ribuza imyigaragambyo.

Kuwa kabiri mu murwa mukuru wa Cairo, igipolisi cyateye ibisasu byo mu maso gitatanya abadashyigikiye iryo tegeko bigaragambyaga.

Amashusho ya video yasohowe yerekanaga igipolisi gikubita abo bantu bigaragambyaga.

Bamwe mu bagore bafashwe n'igipolisi bavuze ko bakubiswe bakanakorerwa ihohotera rishingiye ku gitsina.

Abandi mu bigaragambyaga bavuze ko batawe k'umuhanda hanze yu mujyi mw'ijoro hagati.

Naho abandi baracyari mu maboko y'igipolisi.