Victoire Ingabire yakatiwe imyaka 15

Image caption Umukuruw'ishyaka FDU-Inkingi, Victoire Ingabire

Urukiko rw'ikirenga rw’u Rwanda rumaze kwemeza ibirego umukuru w'ishyaka ritavuga rumwe na leta, Victoire Ingabire, yari yarahawe, runongera imyaka y'igifungo kuva ku myaka 8 kugeza kuri 15.

Mu kwezi kwa 10, umwaka ushize, Ingabire yahamijwe ibyaha birimo icyo gutera ubwoba no gupfobya jenoside yabaye muri 1994.

Ingabire yari yarajuriye kuri ibyo birego, ariko ubushinjacyaha bwasabaga ko ahubwo yahabwa igihano kire kire.

Umuryango uharanira uburenganzira bwa kiremwa muntu, Amnesty International, wavuze ko uru rubanza rudafututse.

Madame Ingabire ni umukuru w'ishyaka FDU-Inkingi ritaremererwa gukorera mu Rwanda.