Abashinjwa gukata ibice by'ibitsina by'abana

Image caption Bamwe mu bashinjwa guhohotera abana

Abagore 12 bitabye urukiko mu majyaruguru ya Tanzania, bashinjwa ihohotera ryakorewe abana.

Ibi birego bije nyuma yuko abo bantu baregwa kuba baragize uruhare mu muhango wo gukata ibice by'ibitsina by'abana b'abakobwa.

Abo bagore bose - harimo n'ababyeyi babo bana - bahakanye ibyo birego.

Abo bana bakaswe ibice by'ibitsina - bamwe muribo bafite imyaka 3 - bavuwe n'abaganga.

Uwo muco wo gukata ibice by'igitsina cy'abakobwa cyangwa abagore waciwe muri Tanzania mu mwaka w'i 1998.

Abanyamakuru ba BBC bavuze ko nubwo iyi mico isanzwe mu bindi bice bya Tanzania, ibi bidasanzwe mu ntara ya Kilimanjaro, aho abo bantu bafatiwe.

Urukiko rwasubitswe kugeza kw'itariki ya 30 z'uku kwezi.

Ibyaha bibahamye, abo bagore bashobora gucibwa amande cyangwa igifungo cy'imyaka 5.