S Sudan: Machar ngo yafashe igice kinini

  • 21 Ukw’icumi na kabiri 2013
Imirwano muri Sudan y'amajyepfo
Image caption Imirwano muri Sudan y'amajyepfo

Uwahoze ari icyegera cy'umukuru wa Sudan y'amajyepfo, Riek Machar, yavuze ko ingabo ze zafashe agace ka Unity gacukurwamo ibitoro n'ahantu henshi mu gihugu.

Ntamakuru y'abatagira aho babogamiye ariko yari yabyemeza.

Abantu barenga 500 baguye mu mirwano y'amoko yatangiye ku cyumweru gishize igihe Prezida Salva Kiir yaregaga uwahoze ari icyegera cye gushaka guhirika ubutegetsi, ariko we arabihakana.

Bwana Machar yabwiye BBC ko azagirana imishyikirano na leta ariko abanyapolitike bafashwe babanza kurekurwa.

Yavuze ko umuyobozi w'ingabo General James Koang yavuze mu ngabo za leta asanga ingabo ze ziri mu ntara ya Unity.