Igitero cyahitanye abantu muri Misiri

Image caption Igitero muri Misiri cyahitanye abantu benshi, cyangiza n'inzu

Igitero cy'igisasu cyaturikiye ku biro bikuru by'igipolisi, gihitana byibura abantu 13, kinakomeretsa abandi benshi mu majyaruguru ya Misiri.

Icyo gisasu cyaturikiye mu mujyi wa Mansoura, mu majyaruguru y'umurwa mukuru Cairo, gituma uruhande rumwe rw'inzu ya etaje 5 rusenyuka.

Leta y'inzibacyuho ishyigikiwe n'igisirikare yavuze ko iki ari igikorwa cy'iterabwoba.

Muslim Brotherhood yamaganye icyo gitero.

Ibitero ku ngabo zishinzwe umutekano muri Misiri byariyongereye nyuma yaho igisirikare gihiritse ubutegetsi bwa perezida Mohamed Morsi, ugendera ku matwara y'idini ya kiisilamu, mu kwezi kwa karindwi.