Imirwano irakomeje muri Iraki

Image caption Imirwano ikaze muri Iraki

Ministiri w'intebe muri Iraki, Nouri al-Maliki, yasabye abaturage ba Fallujah, umujyi urikuberamo imirwano ikaze, kwirukana intagondwa zikorana na al-Qaeda zafashe uwo mujyi.

Yavuze ko abaturage nibabasha kwirukana abo yavuze ko bakora ibikorwa by'iterabwoba, ko nta mirwano irambuye izabera muri uwo mujyi.

Abantu babarirwa mu bihumbi bahunze Fallujah nyuma y'amasasu n'ibitero byo mu kirere byagabwe na leta ya Iraki.

Imirwano irakomeje.

Hagati aho hari bamwe bari mu mujyi wa Ramadi - mu ntara imwe na Fallujah - babwiye BBC ko uwo mujyi wose ubu ugenzurwa n'abo mu bwoko bw'abaSunni ukorana n'igipolisi cyaho.