Omar al-Bashir yahuye na Salva Kiir

Image caption Perezida wa Sudani, Omar al-Bashir, hamwe na perezida wa Sudani yepfo, Salva Kiir

Perezida wo muri Sudani, Omar al-Bashir, ari kugirana ibiganiro na perezida wa Sudani yepfo, Salva Kiir, mu murwa mukuru Juba ku mirwano ikomeje kubera muri icyo gihugu.

Sudani yavuze ko ishyigikiye amasezerano y'amahoro ku mirwano yavanye abantu babarirwa mu bihumbi by'amajana mu twabo.

Ubushinwa - ubushoramali bukuru mu bucuruzi bwa peteroli muri Sudani yepfo - bwasabye ko imirwano ihagarara.

Ministiri w'ububanyi n'amahanga w'Ubushinwa, Wang Yi, uteganyijwe guhura n'abahagarariye leta n'intagondwa mu murwa mukuru wa Ethiyopiya, Addis Ababa, yavuze ko iyo mirwano n'imvururu bihagarikwa aka kanya.