Kenya yagabye igitero kuri al-Shabab

Image caption Kenya yagabye igitero ku ntagondwa zo muri al-Shabab

Igisirikare cyo muri Kenya kiravuga ko cyishe intagondwa zirenga 30 zo mu mutwe ugendera ku matwara akaze ya islamu wa al-Shabab mu gitero cyo mu kirere mu majyepfo ya Somaliya.

Umuvugizi w'igisirikare, major Emmanuel Chirchir, yavuze ko icyo gitero cyarase gato cyane umukuru w'uwo mutwe, Ahmed Abdi Godane.

Haravugwa ko bamwe mu barwanyi bakuru ba al-Shabab baguye muri icyo gitero.

Ariko al-Shabab - igenzura ibice byinshi mu majyepfo no hagati ya Somaliya - ntiragira icyo ivuga kuri icyo gitero.

Uyu mutwe wagabye igitero cyahitanye abantu barenga 70 ku nzu y'ubucuruzi ya Westgate i Nairobi umwaka ushize.