Perezida mushya muri Centreafrique

Uwufise ububasha kw’isanamu AP
Image caption Imvururu zirakomeje muri Centreafrique

Inteko nshingamategeko muri Centreafrique yatoye Catherine Samba-Panza kuba perezida w'agateganyo.

Ibikowa bya mbere Samba-Panza, wahoze ari umuyobozi w'umurwa mukuru Bangui, ni ukugarura amahoro muri icyo gihugu gikomeje gushegeshwa n'imirwano ishingiye ku madini.

Samba-Panza asimbuye Michel Djotodia, umukuru w'inyeshyamba za Seleka wafashe ubutegetsi mu kwezi kwa gatatu umwaka ushize.

Kubera igitutu yashyizweho n'ibihugu by'amahanga Djotodia yeguye ku butegetsi nyuma yo kunanirwa guhagarika imvururu muri icyo gihugu.

Aba ministiri b'ububanyi n'amahanga bo mu muryango w'ubumwe bw'ibihugu by'Uburayi bemeye kohereza abasirikare babarirwa mu majana gufasha ingabo z'abafaransa nizo mu muryango w'Afurika kubungabunga amahoro muri icyo gihugu.