Syria: Abarwanya leta ntibazitabira ibiganiro

  • 20 Ukwa mbere 2014
Image copyright AP
Image caption Ishyaka rya National Coalition muri Syria rysubitse kwitabira ibiganiro

Ishyaka rikuru ritavuga rumwe na leta ya Syria, National Coalition, ryavuze ko ritazitabira ibiganiro by'amahoro muri icyo gihugu bizatangira i Geneve muri iki cyumweru.

Ibi bije nyuma yuko umunyamabanga mukuru w'umuryango w'abibumbye, Ban Ki-Moon, atumiye Irani muri ibyo biganiro.

Umuvugizi w'abarwanya leta yabwiye BBC ko Irani itarikwiye kwitabira ibyo biganiro kubera ko icyo gihugu gifite ingabo muri Syria zishyigikiye perezida Bashir al-Assad, kandi ko Irani itigeze ishyigikira ibikorwa byo gushyiraho leta y'agateganyo itarimo perezida al-Assad.

Irani yemeye ubutumire bwa LONI ariko hatarimo kubanza kuyiha amabwiriza.