Amategeko y'umukwabo muri Thailand

Ministri w'intebe Yingluck Shinawatra Uwufise ububasha kw’isanamu AP
Image caption Ministri w'intebe wa Thailand, Yingluck Shinawatra

Leta ya Thailand yashyizeho amategeko y'umukwabo mu murwa mukuru Bangkok no mu ntara ziwukikije agomba kumara iminsi 60.

Ayo mategeko azatangira kubahirizwa guhera ku wa gatatu agamije gukumira imyigaragambyo igamije kuvanaho ubutegetsi bwa Ministri w'intebe Yingluck Shinawatra.

Ayo mategeko yemerera abategetsi gushyiraho amasaha yo kubuza abantu kuva mu rugo, guta muri yombi abantu nta kubabwira icyaha baregwa no kubuza amahuriro ya politiki mu gihe k'iminsi 60 iri imbere.

Abarwanya leta bamaze amezi bakorera imyigaragambyo mu mihanda y'i Bangkok.

Barasaba ko hajyaho akanama k'abaturage katatowe kayobora igihugu kugeza igihe imitegekere yo muri Thailand ihinduriwe. Ministri w'intebe Yingluck Shinawatra yahamagaje amatora mu kwezi gutaha.