Imikwabu y'abapolisi muri mafia

Uwufise ububasha kw’isanamu AP
Image caption Polisi mu Butaliyani ikomeje ibikorwa byo kurwanya mafia

Igipolisi mu Butaliyani cyafashe abantu bagera kuri 90 mu gikorwa kinini kirwanya ibikorwa bya mafia.

Ibintu bifite igiciro kibarirwa muri miliyoni 340 z'amadolari y'Amerika byafashwe mu mikwabu mu mijyi ya Roma, Naples na Florence.

Icyo gikorwa cyari kibanje ku muryango w'abitwa Contini, bafitanye isano n'umutwe wa Camora ukorera mu mujyi wa Naples.

Igipolisi cyasatse utubari na restora bivugwa ko byari biyobowe n'uwo muryango mu mujyi hagati i Roma - imwe muri ibyo ikaba yari restora ikunzwe cyane iri hafi y'inteko nshingamategeko.

Umunyamakuru wa BBC yavuze ko iyi mikwabu yerekana ko hari impungenge mu gihugu ko mafia ikorera mu majyepfo y'Ubutaliyani iri kugera mu majyaruguru y'igihugu.