Syria: Ibiganiro byatangiye mu Busuwisi

  • 22 Ukwa mbere 2014
Image caption Intumwa ya leta n'abatavuga rumwe na leta muri Syria mu biganiro

Imishyikirano y'amahoro ireba ku kibazo cy'intambara muri Syria ihuriwemo n'ibihugu by'amahanga yatangiye mu mujyi wa Montreux mu Busuwisi.

Ubwumvikane buke hagati y'intumwa za leta n'abatavuga rumwe n''ubutegetsi bwagaragaye igihe izo mpande zafataga ijambo.

Umukuru w'umutwe utavuga rumwe na leta, Ahmed Jarba, yareze perezida Bashar al-Assad ko yakoze ibyaha by'intambara yongeraho ko perezida Assad atarakwiye kugira uruhare rwa politike muri kazaza ya Syria.

Ministiri w'ububanyi n'amahanga wa Syria, Walid Muallem, yavuze ko abo barwanya leta ari abagambanyi n'abakozi b'amahanga, yongeraho ko perezida Assad atazakurikiza ibyifuzo biturutse hanze y'igihugu byo kuva ku butegetsi.