Ubuhinde: Umugore yafashwe ku ngufu n'abagabo benshi

Imyigaragambyo irwanya gufata abagore ku ngufu mu Buhinde
Image caption Imyigaragambyo irwanya gufata abagore ku ngufu mu Buhinde

Igipolisi cyo mu Buhinde cyataye muri yombi abagabo 13 bakekwaho gusambanya ku ngufu icyarimwe umugore.

Biravugwa ko abo bagabo babikoze bagendeye ku mategeko bari bahawe n'abakuru b'umuryango akomokamo batari bishimiye urukundo yari afitanye n'undi mugabo ukomoka mu wundi muryango.

Ibyo ngo byabereye mu ntara ya Bengal y'uburengerazuba aho igipolisi cyataye muri yombi abagabo 12 barimo n'umukuru w'akanama k'ubuyobozi ku murenge byabereyemo.

Uwo mugore w'imyaka 20 ubu arimo kwivuza mu bitaro.

Leta y'Ubuhinde iherutse gukaza amategeko ahana ibyaha bishingiye ku ihohoterwa rishingiye ku gitsina nyuma yaho - ku nshuro nyishi - abagore bafatiwe ku ngufu bikamenyekana hose mu gihugu.