Ibitero byahitanye abantu muri Misiri

Image caption Igisasu ku biro bikuru by'igipolisi i Cairo

Igisasu gikomeye cyatezwe mu modoka cyaturikiye ku biro bikuru by'igipolisi i Cairo, gihitana abantu byibura bane, gikomeretsa abarenga 70.

Hari n'andi makuru avuga ko humvikanye urusaku rw'amasasu.

Umunyamakuru wa BBC wari uri aho yavuze ko icyo gisasu cyasize icyobo kinini, n'ingoro y'umuco w'ibihangano bya kiisilamu nayo ivugwa ko yangiritse cyane.

Hakurikiyeho ibindi bisasu bibiri mu bindi bice by'umujyi; kimwe muri byo muri gare mu karere ka Dokki, cyahitanye abantu.

Ibi bitero bije umunsi umwe mbere y'ibuka ry'imyaka itatu ishize habaye ihirikwa ry'ubutegetsi bw'uwahoze ari perezida muri Misiri, Hosni Mubarak.

Muslim Brotherhood yamaganye ibyo bitero.