Kravchuk: Ukraine iragana mu ntambara

Image caption Leonid Kravchuk, uwahoze ayobora Ukraine

Uwahoze ayobora Ukraine, Leonid Kravchuk, yagabishije igihugu cye ko kiri ku manga y'intambara.

Ibyo yabivuze mu kiganiro mpaka cyari kiri kugibwa mu nteko ishinga amategeko, k'ukuntu batanga imbabazi ku bantu baherutse gufatwa mu myigaragambyo yamaganaga leta.

Abategetsi b'Uburusiya ariko bavuze ko bagiye gutegereza kugirango habanze hageho leta nshya, mbere yo kurekura inguzanyo bemereye perezida Viktor Yanukovych n'amasezerano yo gutanga ingufu ku giciro gito bagiranye.

Ejo hashize perezida Yanukovych yemeye iyegura rya ministiri w'intebe na leta ye, ariko abigaragambya baracyasaba ko nawe ava ku butegetsi.