Misiri: Mohamed Morsi yasubiye mu rukiko

  • 1 Ukwa kabiri 2014
Mohammed Morsi yavanywe k'ubutegetsi umwaka ushize Image copyright AP
Image caption Mohammed Morsi yavanywe k'ubutegetsi umwaka ushize

Mohamed Morsi - wahoze ari umukuru w'igihugu cya Misiri- uyu munsi yari nanone imbere y'urukiko rw'i Cairo.

Uru ni rumwe mu manza enye aregwamo ibyaha binyuranye.

Uyu munsi - we n'abandi bayoboke 14 b'ishyaka rya Muslim Brotherhood akomokamo - baregwaga ibyaha byo kuba inyuma y'urupfu rw'abantu bari mu byigaragambyo bakicirwa imbere y'ingoro y'umukuru w'igihugu mu mwaka wa 2012.

Mohamed Morsi n'abo baregwana bari mu kazitiro k'ibirahure maze batera umugongo abacamanza.

Abantu bari hanze y'urukiko bagerageje guhagarika imodoka y'umwunganira kugirango atinjira mu rukiko.

Bwana Morsi yavanywe ku butegetsi n'igisirikare umwaka ushize nyuma y'imyigaragambyo y'abaturage yamaganaga ubutegetsi bwe.